فيديو.. أحمد أمين يعرض 12 نوعا للرجال: هذا هو الاختبار الوحيد للكشف عن معدنهم

فيديو.. أحمد أمين يعرض 12 نوعا للرجال: هذا هو الاختبار الوحيد للكشف عن معدنهم
فيديو.. أحمد أمين يعرض 12 نوعا للرجال: هذا هو الاختبار الوحيد للكشف عن معدنهم

بطريقته الكوميدية المعهودة، عرض الفنان أحمد أمين، أنواع متعددة من الرجال بعد أن يتم وضعهم في اختبار صعب وموحد، قائلا: "الاختبار الذكوري الوحيد الذي سيكشف معدن الرجالة، هو يوم واحد نحملهم فيه مسؤولية بيت، عبارة عن غرفيتن وصالة وعيل صغير لا يتعدي الثلاث سنوات، وهتظهر لنا الأنواع الآتية".

وأضاف "أمين" خلال برنامجه "البلاتوه"، المذاع على قناة "النهار"، الجمعة: "النوع الأول هو (رجل المهام الصعبة) وهو الذي يفعل أتفه المهام بأصعب الطرق، يعني لو الولد عمل على نفسه يقوم مقلعه ويحميه بالكلور وينقعه في الحوض ويطلعه وينشره، ولو الرز اتلسع يقوم جايب طفاية الحريق ويقفل الشبابيك ويردم البيت بس عشان شوية رز، ولذلك هو بيحط نفسه في مواقف صعبة جدًا".

وأوضح أن "النوع الثاني هو (الراجل العنكبوت)، ويكون محروق أوي من فكرة أن الست تقدر تعمل مهام متعددة في نفس الوقت؛ وبالتالي بيقرر أنه يبقى زيه زيها وأكتر، فيبدأ يعمل 30 حاجة في نفس الوقت ويتحول الى عنكبوت وشملول، ولكنه بعد ساعة واحدة يكون مولع في الستاير وحارق الأكل ومولع في العفش ولاسع العيال ومفحم الباركيه وكاوي الجيران.. ماتعرف حجمك وتتهد بقى، دي أرزاق وربنا مقسمها يا أخي".

وأِشار إلى "(الرجل العنكبوت 2) وهو بيبقى شعره منكوش ومبهدل على طول، ولكنه فخور ومش حاسس إنه محتاج صيانة ولا حاجة".

أما "رجل المستحيل"، فهذا ما قال عنه "أمين" إنه "مستحيل يعمل أي حاجة ولا يقدر يشيل أي مسؤولية ولو الظروف أجبرته على تحمل المسؤولية، فمن المستحيل يعدي اليوم بدون ما يعمل مصيبة تنتهي بطلب البوليس أو الإسعاف أو المطافئ أو كلهم".

وأكد أن "هناك (الرجل الأخضر)، وهو يكون لطيف وطيب، ولكن أول ما تشيله أي مسؤولية من أي نوع، يبدأ يخضر وينتفخ وهدومه تتقطع، وتبدأ الانفجارات في المطبخ وأصوات الاعتراضات اللي مش لطيفة وتهديدات بخطف الولد وحرق البيت.. جو شمال مالهوش معنى"

وأوضح أن "هناك (الرجل الأخضر 2)، وهو مش بيغير قميصه إلا بعد شهر، ساعتها القميص يبتدي يخضر بقى وحاجات كدا، وهو صديق للرجل العنكبوت المنكوش، وبيفهموا بعض من شمة أو نظرة حاجة تقرف يعني".

وتابع: "كمان فيه (رجل الساعة) ودا آخره يقعد في البيت ساعة ويخلع، وهناك (رجل المرحلة) يعني لما تطلب منه أي مهمة يعمل مرحلة واحدة منها ويعتبر إنه بكدا عمل اللي عليه، فمثلا عندما تطلب منه يودي الولد إلى الدكتور، فيقرر الاتصال بالعيادة ليحجز، ومايعملش أي حاجة بعد كدا، ولا يودي ولا يجيب أدوية ولا أي حاجة".

وتطرق إلى نوع آخر وهو "الرجل الخارق"، قائلا: "هذا الرجل على طول يحرق السجاد والعفش، وبيخرب في البيت دايمًا، ودا ستات كتير عارفاه".

وأوضح "أمين" أن "(الرجل الخفي) مش موجود أبدا، يعني بيبقى ملقح في البيت طول الوقت ومرمي على الكنب والسراير، وأول ما تحتاجه في حاجة يختفي فجأة، كما أن (رجل الازمات) معروف بأنه، منذ اليوم الأول للزواج، وهو يطلب من الست إنها تستحمله وماتطلبش منه حاجة وتتحمل مسؤوليته، وانا نفسي اعرف ايه أزمته".

وتحدث عن "الرجل الآلي"، قائلا: "يحب القلي أوي، سعادته تكون في الزيت، بيقلي البيض أو البطاطس أو السمك المقلي، يعني ممكن نديله الواد وإزازة زيت وهو هيظيط".

واختتم حديثه بـ"سيد الرجالة": "دا بقى عمهم وهو العملة النادرة، النوع دا من الرجالة منقرض، وهو بيتحمل المسؤولية بالمعنى الحقيقي، هتلاقيه سند وضهر وأمان، والراجل دا قرب يبقى من الأساطير واسمه في الصفحة اللي بعد العنقاء والخل الوفي".

المصدر : بوابة الشروق

بوابة الشروق

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى محمد ناصر - مصر النهادرة حلقة الاربعاء 2016/11/30 - الجزء الاول